1. რა სახის ენერგია მიეკუთვნება განახლებადი ენერგიის წყაროებს?
ენერგია, რომელიც მიიღება განახლებადი არაწიაღისეული წყაროებიდან, კერძოდ, ქარის, მზის, აეროთერმული, გეოთერმული, ჰიდროთერმული და ოკეანის ენერგია, ჰიდროენერგია, ბიომასა, ნაგავსაყრელებზე ორგანული მასალის დაშლის შედეგად მიღებული გაზი, წყალარინების გამწმენდ ნაგებობაში წარმოქმნილი გაზი და ბიოგაზი;
2. რას წარმოადგენს ენერგიის მთლიანი საბოლოო მოხმარება?
ენერგიის შემცველი საქონელი, რომელიც ენერგეტიკული მიზნებისათვის მიეწოდება მრეწველობას, ტრანსპორტს, საყოფაცხოვრებო სექტორს, მომსახურების სფეროებს, მათ შორის, საჯარო მომსახურების სფეროებს, სოფლის მეურნეობას, სატყეო და სათევზაო მეურნეობას, ასევე, ელექტროენერგიისა და სითბოს მოხმარება ელექტროენერგიისა და სითბოს მწარმოებელი ენერგეტიკული ობიექტების მიერ, აგრეთვე, ელექტროენერგიისა და სითბოს დანაკარგები განაწილებისა და გადაცემის დროს.
3. რა სფეროს მოიცავს განახლებადი წყაროებიდან ენერგიის წარმოებისა და გამოყენების წახალისების შესახებ კანონპროექტი?
აღნიშნული კანონპროექტი ფარავს ენერგეტიკის სფეროს, კერძოდ კი, განახლებადი ენერგიების წილის გაზრდას გათბობა-გაგრილების, ელექტროენერგეტიკისა და ტრანსპორტის საბოლოო მოხმარებაში.
4. რა არის განახლებადი წყაროებიდან ენერგიის წარმოებისა და გამოყენების წახალისების შესახებ კანონპროექტის მიღების მიზეზი?
საქართველო, როგორც ენერგეტიკული გაერთიანების სრულუფლებიანი წევრი, სამუშაო პროგრამის თანახმად გეგმავს ევროკავშირის დირექტივების დებულებების შესრულებას და ენერეტიკული გაერთიანების კანონდებლობის (acquis communautaire) გაზიარებას. უნდა აღინიშნოს, რომ საქართველოს ევროპულ ენერგეტიკულ გაერთიანებაში გაწევრიანების პროტოკოლის თანახმად, საქართველომ აიღო ვალდებულება ევროკომისიის 2009/28/EC „განახლებადი წყაროებიდან ენერგიის მიღების წახალისების“ შესახებ დირექტივა ასახოს ეროვნულ კანონმდებლობაში და შეიმუშაოს კანონი „განახლებადი წყაროებიდან ენერგიის წარმოებისა და გამოყენების წახალისების შესახებ“.
5. რა არის განახლებადი წყაროებიდან ენერგიის წარმოებისა და გამოყენების წახალისების შესახებ კანონპროექტის ძირითადი მიზანი?
კანონპროექტის მიზანია შექმნას განახლებადი წყაროებიდან მიღებული ენერგიის ხელშეწყობის, წახალისებისა და გამოყენების სამართლებრივი საფუძვლები, ასევე. დაადგინოს სავალდებულო სამიზნე მაჩვენებლები განახლებადი წყაროებიდან მიღებული ენერგიის საერთო წილისთვის ენერგიის მთლიანი საბოლოო მოხმარებაში, ტრანსპორტის სექტორში ეს კანონი ასევე ადგენს მდგრადობის კრიტერიუმებს ბიოსაწვავისა და ბიოსითხეებისთვის.
6. რა არის განახლებადი წყაროებიდან ენერგიის წარმოებისა და გამოყენების წახალისების შესახებ კანონპროექტის ძირითადი არსი?
ეს კანონპროექტი ადგენს მხარდაჭერის სქემებთან, საქართველოსა და ენერგეტიკული გაერთიანების ხელშემკვრელ მხარეებს შორის სტატისტიკური ტრანსფერთან და განახლებადი წყაროებიდან მიღებული ენერგიის ელექტროენერგეტიკულ ქსელზე დაშვებასთან დაკავშირებულ ნორმებს.
7. რა არის განახლებადი წყაროებიდან ენერგიის წარმოებისა და გამოყენების წახალისების შესახებ კანონპროექტის ძირითადი სარგებელი?
კანონპროექტის ძირითადი სარგებელია ენერგეტიკული მომსახურების ხარისხის გაუმჯობესება და მომხმარებლის ინტერესების დაცვა.
8. რას წარმოადგენს განახლებადი ენერგიის გარდამავალი პერიოდის ერთწლიანი ეროვნული სამოქმედო გეგმა?
განახლებადი ენერგიის ეროვნული სამოქმედო გეგმა ადგენს საქართველოს განახლებადი წყაროებიდან მიღებული ენერგიის წილის ეროვნულ სამიზნე მაჩვენებელს 2030 წლისათვის, რომელიც მოხმარებული იქნება ტრანსპორტის, ელექტროენერგეტიკის და გათბობისა და გაგრილების სფეროებში, პოლიტიკის სხვა ღონისძიებების ეფექტის გათვალისწინებით, რაც დაკავშირებულია ენერგიის საბოლოო მოხმარების ენერგო ეფექტურობასთან. განახლებადი ენერგიის ეროვნული სამოქმედო გეგმა ასევე ადგენს იმ ადეკვატურ ზომებს, რომლებიც უნდა გატარდეს საერთო ეროვნული სამიზნე მაჩვენებლების მისაღწევად.
9. რა არის განახლებადი ენერგიის გარდამავალი პერიოდის ერთწლიანი ეროვნული სამოქმედო გეგმის ძირითადი მიზანი?
- განახლებადი ენერგიის საკანონმდებლო და ინსტიტუციური ჩარჩოს არსებული მდგომარეობის აღწერა, ევროკავშირის განახლებადი ენერგიის დირექტივის (Directive 2009/28/EC) მოთხოვნების შესაბამისად.
- რიგი პოლიტიკური და საინვესტიციო ღონისძიებების შეთავაზება (მათი სავარაუდო საინვესტიციო ღირებულების მითითებით), რომლებიც საჭიროა 2020 წლის სამიზნე
10.რა არის განახლებადი ენერგიის გარდამავალი პერიოდის ერთწლიანი ეროვნული სამოქმედო გეგმის ძირითადი სარგებელი?
ენერგო მწარმოებლებთან შეთანხმებით ახალი ჰიდროელექტროსადგურების მშენებლობის ხელშეწყობა, ავტოტრანსპორტისა და საზოგადოებრივი ტრანსპორტის გაუმჯობესება, ელექტროენერგიაზე მომუშავე ავტომობილების გამოყენებასთან დაკავშირებით საზოგადოების განათლება, კერძო და საჯარო სექტორზე რეკომენდაციების გაცემა, ტექნიკურ-ეკონომიკურ კვლევების ჩატარებას და ინვესტიციების მოზიდვა, ენერგიის განახლებად წყაროებზე მომუშავე ცენტრალური გათბობა-გაგრილების სისტემების შემუშავება და განახლებად ენერგიებზე დაყრდნობით საზოგადოებრივ შენობებში გათბობა და გაგრილების სისტემების დანერგვა.