საპენსიო რეფორმა - დაგროვებითი პენსია
რეფორმა გულისხმობს განსაზღვრული შენატანის საპენსიო სქემის შექმნას. ეს ნიშნავს, რომ დასაქმებულის შემთხვევაში: თითოეული დასაქმებული, დამსაქმებელი და სახელმწიფო კანონით განსაზღვრული წესით განახორციელებს შენატანებს თითოეული მონაწილის ინდივიდუალურ საპენსიო ანგარიშზე, ყოველი მათგანი 2%-ის ოდენობით, ხოლო თვითდასაქმებულის შემთხვევაში თვითდასაქმებული 4%-ის ხოლო სახელმწიფო 2%-ის ოდენობით, ანუ სისტემის მონაწილის საპენსიო ანგარიშზე ყოველთვიურად მისი დაუბეგრავი შემოსავლის 6%-ის ოდენობის თანხის აკუმულირება მოხდება. მნიშვნელოვანია, რომ განხორციელდება დაგროვილი თანხის ინვესტირება, რის შედეგადაც მას დაერიცხება საინვესტიციო შემოსავალი, შესაბამისად, მოცულობა წლების განმავლობაში უფრო და უფრო გაიზრდება.
სრული ინფორმაცია
საქართველოს კანონი დაგროვებითი პენსიის შესახებაღსანიშნავია, რომ დონორი ორგანიზაციები (მსოფლიო ბანკი, აზიის განვითარების ბანკი, USAID G4G, საერთაშორისო სავალუტო ფონდი, საფრანგეთის განვითარების სააგენტო (AFD)) ჩართულები არიან რეფორმის ყველა ეტაპზე. შესაბამისად, ჩვენ გვაქვს მკაფიო საერთაშორისო მხარდაჭერა კონკრეტულად ამ რეფორმის და ამ ფორმით განხორციელების პროცესში. რეფორმის არქიტექტურის შემუშავება მიმდინარეობდა საუკეტესო საერთაშორიო პრაქტიკის გათვალიწინებით. უნდა აღინიშნოს, რომ საერთაშორისო გამოცდილება არაერთგვაროვანია და ძირითადად თითოეულ ქვეყანში, სადაც არსებობს დაგროვებითი საპენსიო სქემა მისი მართვის და შენატანების განხორციელების ისევე როგორც საპენსიო აქტივების ინვესტირების პრინციპები ფორმირებულია ქვეყნისთვის დამახასიათებელი სპეციფიკიდან გამომდინარე. ამის მიუხედავად არსებობს "ეთგო"-ს სახელმძღვანელოები, რომელიც განსაზღვრავს იმ ძირითად პრინციპებს, რომელიც დაცული უნდა იყოს დაგროვებითი საპენსიო სისტემის ჩამოყალიბებისას ამ სისტემის ეფექტიანად ფუნქციონირების მიზნით.
მოცემულ კანონის პროექტში მაქსიმალურად დაცულია აღნიშნული პრინციპები.
გმადლობთ, თქვენი პოზიცია დაფიქსირებულია
ხმის მიცემა დასრულებულია
84%
ვემხრობი
16%
არ ვემხრობი
საერთაშორისო მხარდაჭერა:
ჩაერთე