ინიციატივა გულისხმობს ადმინისტრაციული პროცედურების გამარტივებას, ქართული საპორტო მომსახურებების დიჯიტალიზაციას და   სახელმწიფო და კერძო მომსახურებების ერთ - ციფრულ, სივრცეში გაერთიანებას.

გამარტივებული და ავტომატიზებული ბიზნეს-პროცედურები მნიშვნელოვნად დაზოგავს  ადამიანურ რესურსებს და მოგვცემს საშუალებას უმოკლეს ვადაში იქნეს მიღწეული შედეგები. პროექტი იძლევა  საქართველოს, როგორც საზღვაო ქვეყნის კონკურენტუნარიანობის ზრდისა და მიმზიდველი საზღვაო სექტორის შექმნის შესაძლებლობას. 

რეფორმის განხორციელების შედეგად: 

• შევძლებთ თავისუფლად მოვახდინოთ ინტეგრირება ტრანსპორტირებისა და მიწოდების საერთაშორისო მაგისტრალურ ჯაჭვში - ამ პროექტის განხორციელებით შეიქმნება გარემო, სადაც საზღვაო ინდუსტრიის წარმომადგენლებს ექნებათ წვდომა უნიკალურ ელექტრონულ სერვისებზე, შეძლებენ რეკრუტირებას მათთვის ძალიან კომფორტულ გარემოში. ამასთან შეიქმნება ერთიანი ციფრული საინფორმაციო ბაზა და მართვის სისტემა, რომელიც თავისუფლად ინტეგრირდება რეგიონისა და მთლიანად მსოფლიოს გლობალურ სატრანსპორტო ქსელში;
• ადმინისტრაციული პროცედურების გამარტივება და სხვადასხვა სახელმწიფო ორგანოს კოორდინირებული მოქმედება - სამთავრობო უწყებების სერვისები ერთიან პლატფორმაში გაერთიანდება, რაც თავიდან აგვაცილებს ანალოგიური ხასიათის მოქმედებების განხორციელების აუცილებლობას და უფრო ეფექტურს გავხდით სხვადასხვა სახელმწიფო სერვისის მიწოდებას.
• ერთი ფანჯრის პრინციპით გაერთიანდება სახელმწიფო და საზღვაო სფეროში მოქმედი კერძო სექტორის წარმომადგენლები და შესაბამისი მომსახურების მიღება ერთ სივრცეში იქნება შესაძლებელი - გამარტივდება მომსახურების მიღება სხვადასხვა სექტორისა და ორგანიზაციისაგან; კერძო სექტორის მომსახურება გაუთანაბრდება საერთაშორისო სტანდარტს და მსოფლიო საზღვაო ინდუსტრიის მოთხოვნებს, რაც თავისთავად გამოიწვევს კერძო სექტორის განვითარების ახალ საფეხურზე გადასვლას.

მოდერნიზებული ბაზრის ჩამოყალიბების შედეგად ფასწარმოქმნა საბაზრო პირობებში სამართლიანობის პრინციპის დაცვით იწარმოებს, ქსელის მომხმარებლებს ქსელზე წვდომის არადისკრიმინაციული პირობები შეექმნებათ, ხოლო საბოლოო მომხმარებელი ისარგებლებენ მიმწოდებლის არჩევანის თავისუფლებით. აღნიშნულ პროცესში მომხმარებელთა შესაბამისი ინფორმირება და უფლებების დაცვა, ასევე, პრიორიტეტული მიმართულება იქნება.

რეფორმა გულისხმობს:

• სამართლიან და ოპტიმალური ფასწარმოქმნას;
• მიმწოდებლის არჩევის უფლებას;
• ქსელზე შეუფერხებელ და არადისკრიმინაციულ დაშვებას;
• მომსახურების ხარისხის გაუმჯობესებას;
• მომხმარებლების უფლებების გაძლიერებულ დაცვას.

 ძლიერი მარეგულირებელი გააკონტროლებს ენერგოკომპანიების მომხმარებლებისათვის გაწეული მომსახურების ხარისხს და აღჭურვილი იქნება რეაგირების შესაბამისი ბერკეტებით. განისაზღვრება „მომხმარებლეთა მოწყვლადი კატეგორია“, რომელთათვისაც კრიტიკულ სიტუაციებში მიწოდების შეწყვეტა აიკრძალება და სახელმწიფო დახმარების სქემები შემუშავდება.

ბიზნეს სახლი წარმოადგენს სახელმწიფოსა და ბიზნესის თანამშრომლობის სრულიად ახალ ხედვას, რაც გულისხმობს ბიზნესის მომსახურების ერთიანი ფიზიკური და ელექტრონული სივრცის შექმნა-განვითარებას, სადაც ბიზნესის წარმომადგენლებს საშუალება ექნებათ ერთი ფანჯრის პრინციპით, ერთ სივრცეში, 800-ზე მეტი სახელმწიფო სერვისი მიიღონ რომლის მიწოდებას, ამ ეტაპზე, 60-მდე სტრუქტურა უზრუნველყოფს.

რეფორმა ითვალისწინებს ფინანსური ინსტრუმენტებისთვის მარტივი და სამართლიანი საგადასახადო დაბეგვრის რეჟიმის შემოღებას, მოსახლეობის ფინანსური განათლების დონის ამაღლებას, ეფექტური რეგულატორის არსებობას, გამჭირვალე და კონკურენტული გარემოს შექმნას და შესაბამისი ინფრასტრუქტურის განვითარებას. კაპიტალის ბაზრის რეფორმის შედეგად საფინანსო ბაზარზე, საბანკო და მიკრო-საფინანსო სექტორის გარდა გაჩნდება დაფინანსების ალტერნატიული ინსტრუმენტები, რაც კომპანიებისთვის გრძელვადიანი ფინანსური რესურსების მოზიდვის დამატებითი საშუალება იქნება.

რეფორმის ფარგლებში დაგეგმილია ისეთი სამართლებრივი ჩარჩოს შექმნა, რომელიც უზრუნველყოფს სამართლიანი და გამჭვირვალე გარემოს ჩამოყალიბებას სიცოცხლისუნარიანი ფირმებისათვის, რათა მათ მოახდინონ რეაბილიტაცია, ხოლო თუ რეაბილიტაცია არ არის შესაძლებელი, სისტემა ითვალისწინებს კომპანიების ორგანიზებული ფორმით ბაზრიდან გასასვლელად. რეფორმის ფარგლებში მნიშვნელოვანია გადახდისუუნარობის საქმის წარმოების პროცესის სისწრაფე და ეფექტიანობა, რათა „გაჩერებული“ აქტივების ეკონომიკაში დაბრუნება დროულად იყოს შესაძლებელი.